現代台語辭典

The Dictionary of Current Taiwanese






自序（台語文）一般都攏kā台語會失落ê原因歸講是因為政府ê「國語」政策，其實無文字tāng寫ziah是上主要ê原因，「國語」政策是一個卡直接ê原因niahnyā，特別dī這Digital 時代，無文字tāng寫ê語言無hông利用ê機會，dirh無存在ê空間，台語ê文字化迫dī目睭前，無冗另ê時間。自從1930年ê鄉土語文運動到dag，台灣人beh kā台語文字化ê努力，已經進行beh kah一世紀，盡管有出版beh kah 30本ê字典kah辭典，m̄hkurh台語嘛無隶le復權起來，顛倒加速le流失，台語文嘛ia dīh le爭論ê階段。 Beh 採用啥乜款文體來寫台語？卡講嘛是「全漢字文體」、「全羅馬字文體」kah「漢羅文體」zid 三種文體。近年來受所謂ê「閩南語常用辭典」ê影響，有傾向 i「全漢字文體」ê現象。不過，漢字ê選用有真多變體，音標嘛有一可仔無仝款ê方案，beh做為書寫ê方法ia有真多ê問題。我是一個實踐者。Dī he 啥乜都攏 būeh 用得做ê年代，我 bih dùah中國士大夫思想ê暗翳，從事陶藝來養活自己，也 hō 無可奈何ê時間溜走過去。陶藝工作dirh是不斷ê修正、改進，不斷ê試燒佫再試燒，然後製作「美」ê作品。1893年我出版了『AL-1台語文輸入法』，1998年出版《台語四用漢字字源》ê同時，出版『玉蘭花台語文集』，用來檢驗看hiai ê物件咁有成做一個系統、咁ē用得用來表寫台語文？證明是可以的。Mhkurh不是簡單容易ê。因為，為dirh beh hō字義貫通，『AL-1台語文輸入法』、《台語四用漢字字源》造了beh kah 700字外字，dī 現代電腦作業無法度相容溝通。這意味dirh「全漢字台語文」惊仔ē出現1000字以上ê白字ia借字，七dàuh八dàu，不是kānnā無法度hō人望文生義，漢字ê台語讀音嘛真複雜歹學。事實上「漢學仔」（用台語發音讀漢字ê學問）早dirh滅絕不存在，zim’ma有法度用台語發音讀四書五經ê人已經是異數，dirh愛大家先學會曉6、7000字漢字ê台語發音，ziah有法度讀寫「全漢字台語文」，dirh佫費時曠日。咁知現代中文是從諸子百家，經過悠悠2000年；準講對五四算起，嘛已經一世紀，ziah成功成做kīnnalit ê中文，面對滅絕危機ê台語咁ia有zid款美國時間？Kānnā看咱dī漢字ê叢林中已經摸索過一世紀，都嘛無法度kāh台語文字化創成功起來，可見單用漢字beh建立一個獨立ê台語文系統是真困難e；ē用得講是無可能e。顯然ê，全漢字台語文會致使kah hō台語失去做為台語zid款語言ê Espirit，變成寄生dīh漢字ê 一種Creol；國際上咁beh kā zid 款中文以外 ê 另一個漢字文體，承認做是中文以外ê 另外一種自立語體ê語文？Ia 是kānnā kāh伊看做是一種中文ê變體？嘛ia佫是一個大大ê問題。直到zid幾年仔，手執「文字化牛耳ê諸公」ziah 想 dirh現實上「漢羅文體」可能是上行ēh通ê台語文體。Mhkur 尹所提供ê「台羅」，又原看dī beh kā漢字「注音」，又原親像白話字，用音節做單位（一個漢字做一個音節）來注音，kā「一個完整ê單詞」分割做複數個單位，用 “-” (hyphen）連接起來，例如：“tsa-bóo-gín-á” (查某囡仔)，ziah佫hō伊一套所謂ê「變調規則」，實際發音發做：“ tsā-boo-gin-ná”。 Zid 款「指鹿為馬」寫一讀七 ê 猜謎式設計，雖然經過白話字運動家極力推動過一個世紀，都嘛推拺būeh起來。因為安呢，一可仔關心ê人提出建議，認為「羅馬字系統」êh設計，dirh愛ēh用得用來注音，嘛dirh愛ē用得用來做書寫ê文字；dirh是用單詞（word）、不是用音節（syllable）做單位來併寫，實實在在描寫語音，避免變調ê困擾。關於字母，有人主張採用國際音標ê模式，有人主張採用英文的模式，最近有人進一步主張講dirh愛考慮cām英語併音ê習慣接軌，嘛dirh斟酌 kah 客語、華語、原住民語ê併音相通，安呢ziah ēh dàng減低學生ê負擔。可惜講ê人空嘴講講咧niahbnyā，若無le寫台語文、無le讀台語文，根本dirh būeh記得「台語羅馬字系統」是beh用來併寫台語ê系統；親像仝拉丁語衍生語ê法文J發 [ j ]，葡萄牙文發 [h]，意大利文無 [ j ] zid 個 spell；dirh是講「台語羅馬字系統」當然dirh愛用台語做惟一考慮，就是台語式ê，不是kānnā愛ē用得用來注音kah做書寫ê文字，ia 佫dirh 考慮到「電腦輸入法」，盡可能減少spell ê 問題。Kurh kā當用ê漢字限制到高二ê程度、沒有爭議ê範圍，hām日語文ê漢字混合平假名ê文體一樣，羅馬字不是kānnā beh kāh漢字注音，ia是無漢字tāng寫ê時ê代替符號；kāh漢字、羅馬字攏看做是正式ê文字。文字化愛有卡有魅力ê設計，「好寫，好讀，好理解」，ziah ēh dàngh hō大家dī最短ê時間內學會曉嘴講台語、手寫台語文。語文分做音聲kah文字符號，前者是語義ê本質，後者dirh愛ēh dàngh切實表記前者。所有語言（漢語除外）dī 兩個以上ê音節連讀ê時，攏會發生「變調」ê 現象，不是台語ziah有。漢語hid款固定不變，顛倒是無自然ê。對有聲調ê語言來講，聲調是語 ê一部分，dirh是講應該kā所謂ê「變調」後ê音節看做是本來ê聲調，實實在在kā標注ziah好。例如：「學校」是：hakhāu、不是haq-hāu。「狗仔」是kau’wa、不是káu-á；“kau’wa”（狗仔）kah “káu”（狗）是二個各別ê單語，各別dī文ê任何位置都攏固定būeh發生「變調」。戰後我對日制中一重新進入中制初一，由日制教學到改成中制教學中間，有一個一年外久ê過渡期，老師清一色台灣人老師，用台語教學，黑板頂漢字、羅馬字、簡單的英文；學生照樣用漢字、羅馬字；羅馬字、漢字做筆記，behnā無後來ê「國語政策」，zid款漢羅文體早dirh成功成做台語ê公式文體。基於zid個理念，想kong需要一本符合zid款觀念，hō利用者beh學寫台語文ê時，ēh tàngh做參考ê台語辭典，所以開始編寫zid本辭典。以下幾點是我編寫zid本辭典ê時，對單語ia短句取捨ê標準。拄親像馬來語kah 印尼語仝款，台語kah 閩南語原本是對仝一個源頭出來ê。根據陳第ê《東夷誌》kah荷蘭文書，ēh用得確定dī 移民潮進前，平埔族語kah閩南語中間dirh有重疊ê部分存在。移民潮以後吸收佫卡多移民對漢字擷取而來ê漢語詞，後來因為雙方各自所處ê條件kah環境無仝，致使各自發展ê速度kah方向呈現出差異；台語吸收了季節風文化成分，保存著較多的固有語kah accent的輕聲化，逐漸成做一個準統一 ê 個體；閩南語繼續吸收愈多ê漢字語，停滯dī「普閩」ê 土泥堀仔底。台語研究者看做寶典ê《臺日大辭典》(1931年出版) 其實是一個閩南語ê大雜菜盤。小川尚義dī日本領台後第3年 (1898）dirh出版《日臺小字典》，佫dī 1904出版《日臺新辭典》、1907年出版《日臺大辭典》、1908年出版《日臺小辭典》、速度緊kah hō人不敢相信。小川dī伊ê自序講：因為台語各地ê音差真大，不知beh用佗一搭ê口音來編寫ziah好；其實是提Rev.J. Macgowan氏所編ê《英廈辭典》做底迻譯所編寫ê。小川前後編過7部台語辭書，攏是增訂版。集大成的《臺日大辭典》增補了Carstairs Douglas所著《廈英辭典》中兼收ê漳州、泉州、同安、安溪等方音、kah一可仔對台北地區ê「文人界」蒐集來ê詞，所以講是「閩南語」ê 集大成，不是台灣一地ê「台語辭典」。因為安呢，加上一個半世紀ê變遷，《臺日大辭典》內有beh kah五分之二ê詞不是台語通用ê詞；有beh kah五分之二ê台語詞無收dī內底。切割前者，補足後者，用了相當長的時間。再者，隨dirh「中文」ê愈來愈普及，愈多ê中文詞出現dī日常ê口語中。避免陷入閩南語的「普閩化」，尋無相對應ê固有語，或者可能用來精進文學ê，ziah kā收錄。Ahnā hiai ia būeh定型，ia是雖然hông普遍le利用，m̄hkurh有相對應ê固有語ê，dirh無kā收錄。用另外一種語言來解譯一種語言是相當困難ê代志，用中文來解譯台語尤佫卡困難，有可仔形容詞實在尋無話tāng解譯清楚（我ê中文無到精練也是原因之一）。Dn̄g dirh zid款情形ê時，只好用舉例句，ia是插一張仔插圖來幫助利用者進一步了解。上hōh人遲疑ê是單字化ê問題。Dī一個構造某種完整意義ê文流中，讀者ēh dàngh即刻分別會曉意義ê最小單位、dirh是無包含佫卡小ê部分ê時，一般kā伊叫做「單語」。事實上「單語」是啥乜？到dag ia是le hō語言學者頭痛ê問題，相對於英文 “word” ê 意義己經是不解自明ê常識，深受漢語影響ê台語，對「單語」ê定義顯然有淡薄仔無明確的所在。比如「直直講」、「燒燙燙」、「矻硞叫」、「好聲好觸」ziai有帶狀態ia時貌ê詞，是一個「單語」？Ia是一個「短語」？其實真歹定義。不過攏是一個聲調群單位，拄親像英文的 ~ ~ ly ia是 ~ ~ ing ê 形式仝款，dirh攏kāh i 歸做是一個單語。對一種語言來講，「文字化」其實dirh是「標準化」。拄親像小川所講，各地ê音差ia dī lē，除了所謂漳泉腔（漳泉對應）以外，聲調嘛有爭差dī lē，是beh用佗一搭ê口音來做標準ziah好？就台語來講，所謂標準化，不是beh用某一地頭ê口音來做準，是用大眾口音 (majority)來做準dirh好，dirh是比較卡傾向對鄭良偉ê變調第2式。因為台語dī長短交互ê語調，造成pitch ê 消退不明顯，第2式5變3 ê下墜短聲，比第1式的5變7 ê impact卡好，卡斗力、嘛卡有韻律感，比喻：Dâih-wân (台灣) 和 Dāi-wân。編寫工作直到舊年七月dirh完稿結束。為dirh慎重起見，kē用一年ê時間再三校訂全部原稿kah增補，佫dī併字kah體例ê統一方面做佫卡適當ê處理。Ze是一本手製ê「現代台語」ê 辭典，不是對任何古典迻譯過來ê，自信已經用十分審慎ê態度，盡最大ê努力，從事編寫zid本辭典ê qāngqùe，其中難免有遺漏kah瑕疵，希望各界明達多多指正。

自序（中文）一般都把台語失落的原因歸罪於「國語」政策，其實沒文字化才是最主要的原因，「國語」政策只是其中的原因之一，尤其在這digital時代，未經文字化的語言就沒有被利用的舞台，不失落也難，台語的文字化刻不容緩。台灣人對台語文字化的努力，自1930年的鄉土語文運動至今，已經進行了將近一世紀之久，盡管出版了將近30本之多的字、辭典，然而台語並沒有跟著復權起來，反而加速流失，台語文也還在爭論的階段。台語要採用何種文體來表寫？不外乎「全漢字文體」、「全羅馬字文體」、「漢羅文體」這三種文體。彌近受所謂的「閩南語常用辭典」所影響，有傾向於「全漢字文體」之現象。但漢字的選用有許多變體，音標也有許多方案，做為書寫方法還有許多問題。我是一個實踐者。在那做甚麼都不行的年代，我潛伏在中國士大夫思想的陰影下，從事陶藝來養活自己，也讓無可奈何的時間溜走過去。陶藝工作就是不斷的修正、改進，不斷的試燒再試燒，然後製作「美」的作品。1893年我出版了『AL-1台語文輸入法』，1998年出版了《台語四用漢字字源》同時出版了『玉蘭花台語文集』作為檢視前者是否成為一個系統？是好可以用來書寫台語文？證明是可以的。但不是容易的。因為，為了字義貫通，『AL-1台語文輸入法』、《台語四用漢字字源》造了將近700個外字。在現代電腦作業上不能相容溝通。這意味著「全漢字台語文」勢必出現1000個以上的白字或借字，很難望文生義。漢字的台語讀音複雜又困難，事實上「漢學仔」（用台語發音讀漢字的學問）早已滅絕不存在，而今能用台語發音讀完四書五經的人已經是稀有種，須要大家先學會6、7000個漢字的台語發音，才能讀寫「全漢字台語文」，費時曠日。須知現代中文是從諸子百家經過悠悠2000年，即令自五四算起，也已經一個世紀才成功為今天的中文，面臨滅絕的台語哪有那麼多美國時間？只要看看我們在漢字的叢林中已經摸索了一個世紀之久，還是無法讓台語文字化成功建立起來，可見單用漢字要建立一個獨立的「台語文系統」是很困難的；可以斷言是不可能的。顯然，全漢字台語文體將使台語失去做為台語這一語言的精神，淪為寄生在漢字的一種Creol，況且世人會不會給這種中文之外的另一個漢字文體，認知為中文之外的另一種自立語體的語文？還是把它當成是一種中文的變體而已，也是個大大的問題。直至近年手執「文字化牛耳的諸公」終於想到現實上漢羅文體可能是最可行的台語文體。只是他們所提供的「台羅」，依然著眼於給漢字「注音」，以音節為單位（一個漢字即一個音節）拼注，把「一個完整的單詞」分割成複數個單位，用 “ - ” (hyphen）連起來，例如：“tsa-bóo-gín-á” (查某囡仔)，再付以一套所謂「變調規則」，實際發音發 “ tsā-boo-gin-ná”。這種「指鹿為馬」寫一讀七的猜迷式設計，雖經白話字運動家極力推動了一個世紀而躓礙難行。很多關心的人提出建議，認為「羅馬字系統」設計，要能用於注音，更要能做為書寫的文字。亦即用單詞（word）而不是用音節（syllable）做單位拼寫，忠實地描寫語音，避免變調的困擾。關於字母，有人主張應採國際音標模式，有人主張應採英文模式，最近更有人主張應考量與英語拼音習慣的接軌，並斟酌與客語、華語、原住民語拼音的相通，如此才能減低學生的負擔。只可惜說者諤諤，口說不練，沒寫過台語文，沒讀過台語文，隔鞋搔癢而已，忘記了「台語羅馬字系統」是要用來拼寫台語的。我們看到同為拉丁語衍生語的法文J發 [ j ]，葡萄牙文發 [ h ]，意大利文沒有J 這個spell；我要說的是「台語羅馬字系統」當然要以台語為惟一考量，就是台語式的，不單要能用於注音、做書寫的文字，還要考慮到「電腦輸入法」，盡可能減少spell。並且把當用的漢字限制於高一程度，沒有爭議的範圍，和日語文的漢字混合平假名文體一樣，羅馬字不只是漢字的注音符號，或找不到漢字時的替代符號，視漢字、羅馬字都是正式文字。文字化要有有魅力的設計，「好寫，好讀，好理解」，讓大家能在最短的時間內學會口講台語、手寫台語文。語文分為音聲與文字符號，前者是語義的本質，後者要能貼切地表記前者。所有語言(漢語除外) 在兩個以上的音節連讀時，都有發生「音變」的現象，並非台語特有的，漢語那種固定不變，反而是不自然的。對有聲調的語言來說，聲調是語的一部分，亦即對所謂的「變調」後音節應視之為本來的聲調，實實在在的加以標注才好。例如：「學校」是：hakhāu而不是haq-hāu，「狗仔」是kau’wa而不是káu-á。“kau’wa”（狗仔）和 “káu”（狗）是兩個各別的單語，各在文的任何位置都是固定不會有「變調」發生。戰後我由日制中一重入中制初一，由日制教學到改成中制教學之間，約有一年多之久的過渡期，老師清一色台灣人老師，使用台語教學，黑板上漢字、羅馬字、簡單的英文；學生照樣用漢字、羅馬字；羅馬字、漢字做筆記，要是沒有後來的「國語政策」漢羅文體早已成功成為台語的公式文體。據於這個理念，覺得需要一本符合這種款觀念，可讓利用者在寫作台語文時，做為參考的台語辭典，所以開始編著了這本辭典。以下幾點是我編著這本辭典時，對單語或短句取捨的標準。正如馬來語和印尼語一樣，台語和閩南語源本同出一宗，根據陳第的《東夷誌》與荷蘭文書，可以確定在移民潮之前，平埔族語與閩南語之間早有重疊的部分存在。移民潮之後吸收了更多移民擷自漢字的漢語詞，後來因雙方各自所處條件和環境的不同，使得各自發展的速度與方向呈現出差異；台語吸收了來自季節風文化成分，保存著較多的固有語和accent的輕聲化，逐漸成為一個準統一的個體，而閩南語即繼續的吸收愈多的漢字語，停滯在變異前夕。台語研究者視為寶典的《臺日大辭典》(1931年出版) 其實是一閩南語大雜燴。小川尚義於日本領台後第3年 (1898）就出版《日臺小字典》，再於 1904出版《日臺新辭典》、1907年出版《日臺大辭典》、1908年出版《日臺小辭典》、速度之快令人不敢相信。小川的自序說：因為台語各地的音差很大，不知採哪裡的口音來編寫才好；其實是拿Rev.J. Macgowan氏所編ê《英廈辭典》做底所編寫。小川前後編過7部台語辭書，都是增訂版，其集大成的《臺日大辭典》增補了Carstairs Douglas所編《廈英辭典》中兼收的漳州、泉州、同安、安溪等方音、與一些由台北地區「文人界」蒐集而來的詞，說它是「閩南語」的集大成可以，但不是台灣一地的「台語辭典」。由於此，加上一個半世紀之間的變遷，《臺日大辭典》裡約有五分之二的詞不是台語通用的詞；約有五分之二的台語詞沒收在裡面。切割前者，補足後者，費了相當長的時間。再者，隨著「中文」的益加普及，愈多的中文詞在日常的口語中出現。避免陷入閩南語的覆轍，視沒有對應的固有語，或者可能用來精進文學的，才加以收錄。至於那些未定型，或雖普遍地利用著，但有對應的固有語的，就不加以收錄。用另一語言來解譯一種語言是相當困難的事，用中文來解譯台語尤其困難，有些形容詞幾乎無法作清楚的解釋 (我的中文的不到家也是原因之一)。碰到這樣的情形時，只好多舉例句，或插張插圖來幫助利用者進一步了解。最令人躊躇不前是單字化的問題。在一個構成某種完整意義的文流中，讀者能即刻分曉意義的最小單位、亦即不含有更小部分時，一般稱為「單語」。事實上何謂「單語」，迄至目前，還是語言學者的棘手問題。相對於英文之 “word” 的意義己經是不解自明的常識，深受漢語影響的台語，對於「單語」的定義顯然有些不明確。比如「直直講」、「燒燙燙」、「矻硞叫」、「好聲好觸」等帶有狀態或時貌的詞，是一個「單語」？還是一個「短語」？其實很難定義。但都是一個聲調群單位，如同英文的~ ~ly或~ ~ing，就把它歸為一個單語。對一種語言來說，文字化其實就是「標準化」。正如小川所說，各地的音差還存在著，除所謂漳泉腔（漳泉對應）之外，聲調亦有差異，不知採哪裡的口音來做標準才好。所謂標準化並非要以某地的口音為準，而是以大眾口音（majority）為準而已，亦即較傾向於鄭良偉的變調第2式。因為台語在長短交互的語調，造成pitch ê消退不明顯，第2式5變3的下墜短聲，比第1式的5變7的impact較好，口氣較強、較富於韻律感，比喻：Dâih-wân (台灣) 和 Dāi-wân。編寫工作直至去年七月完稿結束。為了慎重起見，多用了一年的時間校訂全部原稿，加以增補，並在拼字與體例的統一方面做更適當的處理。這是一本手製的現代台語的辭典，不是從任何古典迻譯過來的，自信已經以十分審慎的態度，盡了最大的努力，從事這部辭典的編寫工作，但是其中的遺漏與瑕疵，恐仍難免，尚希各界明達惠予指正。


內頁例-1

內頁例-2

內頁例-3