歡迎光臨 ANNIDA 台語小知識
| ●日頭赤焱焱
|
|
每年普渡節若到，宜蘭地區着佫叻舉辦「搶孤」ê
活動。「搶孤」是叻搶啥乜「孤」？有學者講「孤」就是「孤魂野鬼」，若是安呢，不知掙叻搶一可仔「孤魂野鬼」卜創甚麼？ 『台日大辭典』下卷139頁上欄第13行註講：搶孤：「搶分祭拜餓鬼之後的供養品」；以前討乞 ê 人卡多，普渡若到，nzyâh 多貧人着成群結隊，dèh 各庄頭 le 普祭 ê 日子移動討乞。 彼個時噂，咱人有一個貫例，dī
祭拜完畢，收拾所供祭品
ê
時，一定會留其中
ê
一些仔，另外囥於低椅砧頂，來施捨互討乞
ê
人。主普
ê
大廟也是仝款，加供養品開放來施捨互討乞
ê
人。若看着普祭已經完、施捨
ê
物件都攏好勢，茲伊討吃
ê
人，着相爭相戹去搶施捨
ê
物件，有時連庄裡人嘛煞搶參落去；這着是「搶孤」，所搶
ê
物件叫做「孤」。 這「孤」字是錯字，應該是「酤」才着。食物發酸、台語說「生酤」、「發霉」的意思，dīzia
引伸做「殘羹」
ê
意思，因為普渡節
dī
七月，天氣最辣
ê
時，囥歸日搭搭萡供祭品，早着失味啊，主祭大廟
ê
供祭品常常是進前二、三日着排出來
ê
，差不多都攏已經「生酤」啦。 所以，「Hōh
你呺孤」是「kāh
你當做乞食，施捨
hō
你」
ê
意思；是表示「不情願互人，嘛佫無
hō
人佅使得
ê
時叻講
ê
一句比較粗魯
ê
話。 攏是「孤」字惹出來 ê 問題，煞連本土學者嘛互伊牽 kah 糊塗去。 |
|
台語 "kūmo" 此句話是講「凡事挑剔，吹毛求疵」 ê 人，或是彼款動作，一般使用漢字都攏寫做「龜毛」，楊清矗先生講：着寫做「龜摸」才 dirf。 《Dictionary of Favorlang Dialect of the Formosan Language》( Gilbertus Happart 1650 )有： ”kummaggimo” 此個詞，Medhurst (1840) 譯註為：to bring into confusion；“kūmo”此個詞極可能是由”kummaggimo”此個詞演化來 ê ，原本講做 "kūzīmo" (龜芝毛)，後來簡化說成 kūmo，通常借用漢字寫做「龜毛」。 其實「毛」予人有「難於處理」的感覺 (比如：nīaumo)」，所以「龜毛」應該比「龜摸」有卡傳神。既然不是漢語來 ê 詞句，其實「龜毛」、「龜摸」攏無啥乜不可竚，若讀會出 “kūmo” 此個詞音着可以；若beh 卡 kūmo 咧，可以寫做「佝毛」；「佝」字 [集韻] 註講是「短極醜貌」，有近似 ê 意思，筆劃嘛卡少，不過 ya 是「龜」bad「龜」字 ê 人比較卡多 。 若看着漢字着討厭
ê
人，免管伊龜毛是啥乜毛，橫直
kūmo着是
kūmo
ê
mo，用羅馬字寫做
kūmo着
OK
啦。 |
|
有一站仔「pô僯孢」這句話成做真鬧熱
ê
話題。「pô 玍 《Dictionary of Favorlang Dialect of the Formosan
Langguage》(Gilbertus Happart 1650 )
有：”poa”
此個詞，註講是「to bring forth fruit 」
ê
意思，「pô僯葩」
ê
「pô」極可能是逶 ”poa”
此個詞演化來
ê
。「伸出雙手，向前托起一粒西瓜，或是一葩葡萄，着是「pô
僯葩」的姿勢。 pô
除衍生出「拍馬屁」
ê
意思以外，役有「抬起一端」
ê
意思，親像：「抬起木頭的一端」，講做：「pô起來」，二個人共同「抬」起一塊桌子，講做「一人
pô 一頭」，「捧(phâng)」、「扶(fû)」、「捊(掊púe)」，不但佮
pô
ê
發音無符合，對原來
ê
意義也會產生紛擾。pô
既然不是漢語來
ê
詞，其實無啥乜「正字」，準講有也顛倒歹讀。 pô 是一句很常用的動詞，發音與「菩薩」的「菩」相同，會用得借用「菩」來寫，親像： (1) gâu 菩(很會拍馬屁)， (2) 菩起來， (3) 菩 būe 起來， (4)
菩 būe 贏…anni。 若嫌「菩」字草頭，加「手部」寫做「 |
|
台北市 ê 捷運系統淡水線有一個驛頭叫做「唭里岸」，dīh「石牌仔」佮「奇岩」之間，奇岩佫過去是北投。「唭里岸」此三字漢字用台語發音可以讀做：kī-lí-gān 或是 kī-lí-fwā，車內 ê 廣播是 kī-lí-gān，問題是「岸」字安怎發音？「唭里岸」此三字漢字當然是漢人寫 ê ，若用北京語發音讀做ㄑㄧ ㄌㄧˇㄢˋ，「岸」字讀做 án。 安倍明義 ê 《台灣地名研究》講是：西班牙人仿照菲律賓群島中北西灣 ê 地名 (Bahia-Irigan)ㄝIrigan 加 Ketagalang 語 ê 地名接頭詞 ki 變做 Kirigan 來 ê 。不過安倍所講 ê 地名接頭詞 ki，除了Ketagalang 佮「圭母卒社」有 k 字頭以外，na 親像無啥乜根據。 日人學者土田滋根據淺井惠倫生前，按 Ketagalang 語最後 ê 傳承者潘氏腰女士口述收集 ê Basai 語彙稿整理出版 ê 《台灣•平埔族の言語資料の整理と分析》有：kinjijan 一詞，註明是「家」，日語 ê 「家」參台語 ê 「厝」相仝，佮「兜」無仝，是指所僀 ê 建築物佮伊 ê 範圍，現代台語講做「厝宅」。 西班牙時代，Kimazon 河 (淡水河) 擴展到「唭里岸」一帶，「唭里岸」dīh 淡水河岸邊，一定是好踦企 ê 好所在，有真多「唭里岸」人 ê 厝宅，所以「唭里岸」人講遐是尹 ê kinjijan。 Kinjijan 發音 ki-ni-ian，台語kāh "ni" 講做 " li " 是極平常 ê 代志；「唭里岸」讀做 Ki-li-án，「岸」照中國語發音讀做 án，因為「唭里岸」是 Chines 用尹 ê 發音寫 ê 。 |
|
台語有一句諺語講「硌硞馬仔罔騎」，舊腳踏車、舊「烏都覓仔」，騎着矻硞叫 ê ，都攏會使日叫做「硌硞馬仔」，查某囝仔驛馬跁跁走 ê ，原哪 hōh 人叫做「硌硞馬仔」，不過諸伊攏是衍生出來 ê ，「硌硞馬仔」原來是 le 講「恆春馬」；「硌硞 (lokqoq ) 」此句詞拍算是對外語 local 來ê ，指本地、役是當地 ê 馬，着是 le 講「台灣野生馬仔」。 我 ê 朋友藍敏女士 (已經過身) 講：伊 ya 做查某囝仔 ê 時，尹阿兄出入攏騎日本馬仔，尹講伊kāh 尹阿爸討講伊嘛 beh 愛一隻馬仔 tāng 騎。 藍女士講：日本馬仔卡県崵，彼噂仔伊身無夠県，hâmh būeh 屹屴，尹阿爸即 kāh 伊買一隻「硌硞馬仔」hōh 伊。藍女士講：「硌硞馬仔」卡細隻，嘛佫不比日本馬仔，真歹騎，無歡喜着 kāh 你馬翻沙，呣着 kāh 你卸馬鞍。 「台灣野生馬仔」到藍女士少年 ê 時代，着干吶偆恆春只有呤呤，今仔己經滅種去，這是「硌硞馬仔」 ê 悲哀。 根據報導，日本琉球 ê 與那國 (yonaguni) 島今仔役有幾十隻「與那國野生馬仔」，受當地政府 le kā 保護。與那國島離咱 ê 宜蘭比台北到新竹卡近，尹 ê 觀光口號講「拍開窗仔有看見台灣島」，按地緣來講，「與那國野生馬仔」佮咱 ê 「硌硞馬仔」應該是仝一種馬仔。 就語言參文化 ê 關係來講，「硌硞馬仔」此句話，老、穉攏知影，可見卡早台灣人佮「硌硞馬仔」有真密切 ê 文化關係。台灣人對「罔騎」變成「無愛騎」，今仔着去與那國才有「硌硞馬仔」 tāng 看。 |
|
于一擺，前立委蔡啟芳先生批評某前立委，因為誹謗前總統婦人曾文惠女士案件，hōh 法院判處罰鍰確定了後，開大言講絕對無 beh 向曾女士道歉，嘛無 beh 繳納罰款，嘛仔聽講法院 libbeh 來強制執行啊，着恬恬仔偷去繳錢，卡免夆拘提去，講 na le 講，做 na le 做，完全無仝款。蔡啟芳講：此款人是 "sut'la" (術仔)。 "sut'la" 此句話是對馬來語 ê "nasut" 來 ê ，『馬來語辭典』講："nasut" 是一句阿拉伯語，sut是「人」，加冠頭詞 na 變成「人類」的意思。 Ketagalang ê Basai 語 kah Kavalang 語叫「漢人」叫做 patsut (vatsut)。patsut 是由 pat 佮 sut 所組合 ê ，着是「別人」，是對「非我族人」或「非本地人」 ê 稱呼。 南部的 Sideia 語參 Favorlang 語叫「漢人」叫做 patlang。patlang 嘛是 pat 佮 lang 所組合 ê ，lang 是馬來語orang (人) 失去頭音 " o " 演變來 ê ，patlang 嘛是「別人」，佮 patsut 仝款，也是對「非我族人」或「非本地人」 ê 稱呼。 中南部口音，sut ê 入聲退化去，變成講做 "sou" (像：紹族)。台語有「你此(zid) sut-e」或是「hid sou-e」，意思參中國話的「你這個傢伙」、「那個傢伙」相仝。台語 ê 「仔」連接僀名詞後壁時，表示是「小 ê 」、「卑鄙 ê 」，或「所有」，或是「屬性」。"sut'la" (術仔) 是 sut + 仔 ê 模式，sut 是「人」，連接「仔」，此句話 ê 意思着是「卑鄙 ê 小人」。 |
|
「碗糕」是 "kokvih" (谷鱉) 的衍生語，對伊斯蘭教徒頭殼頂戴 ê 彼頂「碗哥帽仔」叫做 "kokpiah" 來 ê 。不是伊斯蘭教 ê 人看着伊斯蘭教徒戴「碗哥帽仔」，感覺 "kokvih-kokvih" (谷鱉-谷鱉)，表示「怪怪、莫名其妙」ê 意思。 "kokvih" (谷鱉) 着是「碗哥帽」，所以講「你是 le 戴啥乜碗哥帽」，簡省講做：「le 戴啥乜碗哥」，後來衍生講成：「講啥乜碗糕」、「看啥乜碗糕」、「笑啥乜碗糕」…。 |
|
「凸槌(ㄊㄨˊㄔㄨㄟˊ)」是用北京語音寫台語 ê "tud-cê" (趉箠)，"tut " (趉) 是「脫落」或是「脫離」，"cê " (箠) 是「竹鞭、木鞭」或是「竹桿子」。「趉箠」是講挑水 ê 人，一旁水桶「趉」出箠外，結果雙頭水桶攏總cia-cia 倒。意思是講「有所冒失」，「凸槌」 ê 應該寫做「趉箠」卡適當。若嫌漢字歹寫，寫做：" tud-cê" 就可以。 |
|
中文報紙講：立法院攏 le 「口水戰」。北京語 ê 「口水」是嘴渃(瀾)，所以講「口水戰」是「嘴渃戰」。其實此句話是對台語翻譯過來 ê 。中文 ê 「口」台語講做「嘴」，「口水」 ê 台語是「嘴水 (cúi-súi)」不是「嘴渃」，所以「口水戰」是「「嘴水戰」，品啥乜人「嘴水」卡好，卡爻講話、卡爻罵人，卡爻講白賊話。北京語 kah 台語， 一丈差九尺！ |
|
「kāh 我拍」常常有人寫做「給我拍」。『老師他給我打』是一句 hō 人 le 流傳 ê 笑話，到底是「你拍伊」或是「伊拍你」？ 這是台語文法 kah 中文文法無仝，卻用中文文法來寫台語 ê 時所產生 ê 錯誤。「給」是「與」，「給我拍」的台語是「hō 我拍」，就是北京語 ê 「被我打」，意思拄拄仔相反。雖然台語也有「ka 我拍 hō 死」此句話，不過這是講「為我把 (他) 打到死」 ê 意思，若寫做「給我拍 hō 死」，意思着 būeh 通。 |
」嘛可以，不過這●日頭赤焱焱
