關於「死貓吊樹頭」zid 個習俗 êh 由來，有幾仔款講法：片岡嚴著《台灣風俗誌》(第一章  台灣人が自然的現象に對する觀念及迷信╱貓╱一) 講：台灣人迷信 若 kah 死貓坮 dùah 土底，受雨水沃浸露出土面 hōh 日頭曝 dirh êh 時，會變成妖精來害人，kah 死貓吊 dùah 樹頭，hōh 屍體 da 去，dirh 會佫再出生做貓，ziah būeh 為害 dirh人 (原文：死貓吊樹頭即死したる貓は必ず樹枝に懸け吊すの意なり本島人の迷信若し貓の死屍を地に埋め雨に濕ひ日中に露出する時妖怪となりて人を害す樹枝に吊せば干燥して人を害せず再び貓となりて生ると云ふ)。

。

(本圖片取自：自由時報 (記者廖淑玲攝)

古早有一隻虎咬 dirh 一隻鹿仔，kāh 鹿肉食完 libbeh 離開 êh 時看 dirh 貓仔用舌 kāh 流 dīh 腳土腳 êh 血舐起來食 kah zab-zab 叫。虎想 kong 血是上好 êh，我 ziah 食肉 niahnya，būeh 曉用舌舐血起來食，拜託貓仔教伊用舌舐血起來食 êh 方法。

貓仔講：

「好，mahkurh 我嘛看 dirh 你真利害，kānnā 嗚一聲鹿仔 dirh 恬恬踦 le hōh 你咬：咱來交換條件，你先教我 êh 曉親像你 anni，我 ziah 教你用舌舐血起來食 êh 方法」。

虎講：

「好，你叨雙腳倔 hō 低，尾溜翹起來，uih 吶喉底嗚一聲 dirh 好！不信你看，hia 有一隻獠鼠，你試看 māi 咧」

聲實有影，貓仔照虎教伊 êh 步驟 kānnā 輕輕仔摀一聲 niahnyā，獠鼠 dirh 軟腳落去，恬恬 hōh 貓仔咬 dirh。

虎講：

「Ēh 曉啊 nho，換你教我」

貓仔反悔講：

「我叨無 le 戇 kong，你 hiah 大隻，教你 ēh 曉，血、肉攏 hōh 你食了了去，我 du 免食」，走去 bih 起來。

虎 hōh 貓仔騙去，咒詛 kong 一定  beh 尋 kah 貓仔 dirf，beh kā 貓仔咬死。

貓仔走 kah bih 無路，最後走來 bih le 人 êh 厝內。

人惊仔 hō 伊連累 dirh，beh kāh 伊趕走。貓仔講：我會替恁咬獠鼠顧粟倉，我若死了後，你 ziah kā 我 êh 屍體吊 dùah 庄外 êh 樹頭，虎若看 dirh，知影我已經死啊，dirh  būeh 連累 dirh 你。自安呢，貓仔若死，人 dirh kāh 貓仔 êh 屍體吊 dùah 庄外 êh 樹頭頂 kûan。