蒺藜仔頭萬歲

茨藜頭

回頭頁

茨藜仔頭萬歲

彼一年，倁彼旁山起一噂大風，一粒蒺藜仔頭互風掃落海，跘過黑水溝，佧倁兜後壁園仔个土地公廟邊，紅紅青青烏滓色，外口有十二支刺，中央包一粒冬節圓，恬恬𧥺倁籬笆仔邊。

彼一日，阿兄阿爸逗陣去巡田水，阿兄看見彼粒蒺藜仔頭，問阿爸看這是啥乜？

「我嘛不曾看見，拍算不是咱茲个物。」

阿爸講：

「逨去問恁阿公看知影否？」

阿公双倁隔壁庄，阿爸即阿兄去尋阿公，問伊咁曾看見此仂物？

「奚是蒺藜仔頭啦！彼旁山个物，我少年个時曾看過，拍算彼旁山个人無愛悳，摳撣拺，對咱茲來个。」

阿公講：

「你看伊規身軀刺夯夯，十二支刺銳閃閃，好柴哪有挏流過安平港？趕緊叫孫兮提去烏水溝加伊放水流。」

阿爸講：

「安呢，嗛采是落難走對咱茲來个，可憐代！看伊十二支刺攏斷兀頭，中央彼粒圓仔嘛扁碢羅藪去，佫無血色，出外人叻受苦，大概佅安怎啦！」

阿爸無聽阿公个嘴，叫阿兄提一塊草去加伊遮叻，提一些仔水去加伊沃咧，卡佅互日頭曝死。

○𣳈

自安呢，此粒蒺藜仔頭着𧥺双廟邊過冬，無若久哣哣仔回復元氣，血色也紅冴起來；又佫無若久，伊奚十二支刺嘛漸漸佫發出來，伸長出來，有个虰入土底，有个生双倁頂面叻弄牙。

庄內个人看着安呢，真惊惶，來問阿爸講：

「傽哪是迒頭啊！呾是卜安怎？」

阿爸即緊去加蒺藜仔頭講：

「老兄喂！你安呢是卜夆惊死是不？出外人呣着卡細儢咧，大家呣嗻會倲逗陣双做伙。」

「佅啦！我才回復一些仔元氣呤呤」，

蒺藜仔頭加阿爸講：

「等我若卡俏颻咧，一定會報答恁啦！叫尹免惊啦！」

○

哪知影此粒蒺藜仔頭嘴是安呢講，無若久，四邊个草木攏互伊吞食落去。看着安呢，庄內萡人惊咻咻叫。阿爸即佫去加蒺藜仔頭講：

「老兄啊！曷你道講佅，嗒會佫再安呢仔咧？」

「哪有啊！？」

蒺藜仔頭應阿爸講：

「勿嘮騷啦！」

○

　　彼一暝，庄內个人想無妥當，才相招，有个攑鋤頭，有个夯掘仔，卜去加蒺藜仔頭掘撣拺。蒺藜仔頭看着眾人來到廟邊，趕緊加十二支刺擛起來，侷一個笑面，用上好聽个聲音，加眾人講：

「咱攏是兄弟啊！何必安呢仔咧？卡緊加鋤頭掘仔攑去囥咧，挏來互我請，咱大家來飲一杯。」

眾人聽伊安呢講，趕緊加鋤頭掘仔咧，即講：

「若安呢，無…咱着來參詳一下……………」，

「我是恁祖公啦！」

忽然間，此粒蒺藜仔頭變親像粟笨赫尔大，伸出十二支刺喭齤齤，用親像野狼叻吹螺个聲，大喝一聲：

「恁茲伊該死个奴才………！」

眾人嚇一抖𢓭已經互蒺藜仔頭个刺戮死不計其數，偆叻个人惊不敢做聲。

○

佫過轉日，阿兄看見彼粒蒺藜仔頭徙入去廟內，扒屹屴倁神壇頂叻坐，加土地公踏倁奚土尻兜。

阿爸聽見阿兄安呢講，想起彼日無聽阿公个話，真後悔，即手搣一把鹽，來到廟前，卜加蒺藜仔頭拺鹽米，看有法度加此款歹物趕走否。𣳈

「哈哈哈哈…… ，你無采工啦！我是得着五千年日月精英个烏龜正淨，恁無法度我啦！我是恁个神，是恁个救星，恁个太祖公！」

　　蒺藜仔頭个聲，親像雷佇響赫尔仔大聲：

「加我跪落去，跪落去加我拜，所有个人攏着跪落去加我拜三拜，跪落去加我三聲萬歲；若不个人啊，攏卜互伊死！」

阿爸看不是勢，緊退倒返來。自安呢，規庄个人無人敢佫去惹伊。此粒蒺藜仔頭自安呢踮庄裡，食吆哂尾，十二支刺愈展愈長，愈長愈銳，銳加惊死人。

○

講着此粒蒺藜仔頭實在真梟行，佫湠一刈仔蒺藜孖，跁一四過，若無小心互伊棘着，嘛會變做蒺藜仔孖，曷無着無性命。

講着此粒蒺藜仔頭實在真失德，佫會唸一款四句連个金箍咒，人若互伊个魔音穿腦去，煞佅記得家己是誰，佅記得家己个故鄉，叫是家己宛那是蒺藜仔族咧，着走去廟前跪佇拜，跪叻大聲：

「蒺藜仔頭萬歲！祖公萬歲，蒺藜仔頭萬萬歲！」

「恁娘嘛萬萬歲！！」

(1994 春倁八芝蘭)

--------------------------------------------------------------------------------------------------------

TOP