玉-一萬五千日

一萬五千...

茄苳

杜蘭山

去淡水

一萬五千外日

伊索寓言有一段安呢个故事：有一個王后真愛猪仔。有一擺，隔壁國發現一隻真媄个細隻猪仔孖，加彼隻猪仔孖送互此個王后。

王后真歡喜，叫人用王后卜做衫个絲羅做衫互彼隻猪仔穿，用王后叻洗浴个牛乳互彼隻猪仔洗浴，佫用王后上愛个芳水加伊抹，逐日加伊抱叻手迡，加伊搔，加伊疼。嘛佫，無看見彼隻猪仔有啥乜歡喜。𣳈

有一日，王后彼隻猪仔出去宮城外迌，半路看見一陣猪母猪仔孖倁路邊个臭水溝仔內遜噱豜叫。

忽然，聽見噗通一聲，王后手迡个猪仔蹤入去臭水溝仔內，去尋伊个猪仔伴，絲羅衫沐烏藪藪，芳水互臭水扻去。無聽見王后大聲叻喚，彼隻猪仔制伊去，放王后倁遐干吶眤睄眤睄。𣳈

有人咒死坐詛，卜反共抗俄；卜殺朱拔毛，詎真走代先去匂尹祖宗个腳涑味。當彼旁叻加咱硠飛彈个時，有一個立委候選人—原來个反共神風隊个隊員講：愛為祖國，佅使日為台灣。最近，奚姓蔣个嘛叻討嗊卜返去飲楊子江水。王后个絲羅芳水叨留佅稠彼隻猪仔，蓬萊米咁咧有采工？一生人食蓬萊米食肥，嘴若哆開卻規嘴臭豆腐味。𣳈

我此生人上惊个有二項物件；一是皮蛋，二項是臭豆腐。雖然不曾嗑着，卻倁街頭巷尾時常匂着，匂四、五十年來，不時叻煩惱家己个忥口不知有互拖去否？不知役有親象是一個食蓬萊米个人否？雖然身在台北，希望原在是一個故鄉人。𣳈

是真是假，人總有一個美夢。若家己加家己个美夢拍互破，佫重去交織一個違背本來个夢个夢个人，着相當無奈佫可憐。世事叻變，夢若破去，上好是加伊留起來當做留念。

我出生倁於草地，八歲入國校讀冊，班內有十三個查某囝仔，攏加尹叫做十三姊妹。其中須美互我印像最深，雖然無福氣娶伊做另外一半，須美一直是我心內个維那斯；美麗、聰明、好氣質，是須美互我無法度改變个印像。𣳈

須美尹爸爸是一個訓道教員，二年級个時隶尹爸爸轉來庄迡教冊，插入此班。

1944年太平洋戰爭當熱，日本開始敗退，着叻奉行克難政策，學生老師一律帶弁當，不准返去厝迡食中晝飯，而且規定干吶會使帶清蕃薯，佅用得濫米飯，講一切為國家(日本)，祇有倁前線个人才會用得食米。蕃薯咱台灣囝仔食慣勢囉，干吶六年級个老師是日本人，若鸕鶿摧頷咧，吞白目盰，互大看家嘻嘻笑。𣳈

須美坐倁和我仝排个頭一位，當越頭過來向我叻笑个時，恰若一門春雷硠着我个心肝，親像一蕊玫瑰開倁我个面前。彼噂仔，我看着个後曾補一齒金嘴齒，親像一粒天星倁个嘴內叻閃爍。𧪄

彼當時，茲伊庄腳囝仔，連蛀齒是啥乜都攏不仈，干吶知影有牛乳糖挏食个人才會蛀齒。班內無人蛀齒，蛀齒煞是茲伊庄腳囝仔上欣羨个代志。𣳈

干吶我知影須美有一齒金嘴齒，我加予秘僀心內，也欣羨也喜愛，每擺故意去弄互笑，挏偷看个金嘴齒。其實須美个笑容也互我感覺真歡喜。𣳈

1944年三月，倁米軍个轟炸聲中唱驪歌畢業，四月須美考入H女校，我考入K中學。因為戰亂，班上升學个人祇有我和須美，另外有一個林坤木考入N農校。三個人攏坐火車叻通學，冊包揹叻，天未明着出門，須美往北，我和坤木往南，黃昏時仔仝一個時間倒返來。除了禮拜以外，逐日有二擺會倲佮須美見面个機會。𣳈

戰事已經進入總動員，女學生个制服改成白寸衫和燈籠褲，頭戴一領防空巾，平時揹僀巴脊後；男生着縛腳�z，穿半統鞋，揹一頂竹製个鋼盔。𣳈

講是叻讀冊，其實早起个第一節課過後，空襲个水螺着嘽，大家着去宓僀防空壕內。等到下晡時仔三點外，警報解除了後，即去飛機場修理跑道；須美講尹攏去叻拭砲彈。𣳈

戰後，个學校佮一間職校合併，無想卜留叻讀職校个學生攏四散去。我嘛離開 K校插班入去台中个F 校。安呢來，除了禮拜日返來庄迡个時，無意中着以外，煞無機會看着須美啦！𣳈

隨着仔籽个增加，須美和我个中間顛倒愈來愈疏遠，變卡仳倠啦，相頭个時，嘛干吶仨看一下呤呤，不敢相拄嘴。

𣳈

1947年對須美來講是悲傷个一年。彼年二月尹唯一个小弟跋落水激死，五月尹爸爸病倒落床，數日後過身歿去。聽着這不幸个消息，準備期考若完，七月放暑假返去个時，卜提出勇氣，逨去須美尹兜加伊逗安慰。嘛佫等我返來个時，須美佮尹媽媽已經無倁庄迡。志章加我講尹媽媽須美倒返去尹故鄉安平。𣳈

仝彼年，我順利考入高中部，繼續在 F 校讀冊，須美个代志一直罣倁心頭。過返年个暑假，我去安平，希望會倲着須美，倁街頭巷尾尋規日，嘛佫卡尋嘛尋無須美萡影𨫡。自安呢親像風箏斷了線，須美從我萡世界消失去。佫臹久臹久了後，才佫聽見志章講；伊聽人講須美倁台南師範叻讀。

出效門了後，我先倁台北僀一暫，然後高雄、嘉義，才佫返來台北，和故鄉愈來愈疏遠。𣳈

日子着安呢一日一日過去，娶嫫生孖，送父母上山頭，不知不覺過了一萬五千個日子。頭鬃嘴鬚漸漸白，咏日个代志嘛漸漸遠去，干吶須美个代志到呾役囥倁我个心底，無法度加放佅記得，彼齒金嘴齒親像一粒明星，役倁我个記池內面叻閃爍。𧪄

今年五月，志章來尋我，講咱國校畢業四十外年囉，士農工商四散去，建議來開一擺同學會，招我逗陣返去故鄉挏參詳一可仔細節个代志。𣳈

代志着安呢決定，倁此個暑假，借母校个禮堂來舉行。

幾日後，志章又佫叫電話來，講伊倁教育廳个教員名錄查着須美个住所；講今仔倁斗六个B校叻教冊。志章諢笑講須美是我个意中人，問我今仔役有叻戀愛須美否？

這是我期待半生个好消息，踏破鐵鞋無坻尋，原來須美倁眼前，又佫返來倁故鄉雲林，顛倒是我離鄉背井，流浪倁台北。𣳈

同學會如期舉行，總共六十個同學，除了石松死去，清波佮福生事先講佅得挏來，以外五十七同窗攏僬到。有幾個仔有時也有叻見面，有个楚乎半世紀都攏不曾相見。𣳈

今仔我第一想卜見面个是須美，算算叻在座確實有十三位女士，簽到簿也確實有須美个簽名，我卻尋無恰若須美个人。彼十三位細聲叻講話个女士—素芳、日華、秋蜜、彩鳳、雪花…………，照咏日仔个記池摻印象，大概攏役會認得，干吶坐倁邊仔彼個頭鬃半白，肥肥佫目尾皺皺个查某人，我卻認佅出是啥乜人？咁講着是須美？咁講此個……着是須美？

經過志章个紹介，我終於和須美見面，不…不…不是，是和一個頭鬃半白个老阿婆見面。

彼個老阿婆用生份个目神呤我硞硞相，當開口个時，我看着个後曾確實有一齒金嘴齒，嘛佫親像流星彼款，真緊着消失去！佅佫再閃爍啦！

𣳈

是啦，我心內个須美已經無存在啦！親象斷了線个風箏互風飛對天邊去啦！𧪄

返來到台北厝迡，踦叻衣廚个鏡前，看見鏡內彼个人，猶原矮矮、黑黠；猶原是一個草地人个模樣，啥乜都攏無變，干吶圭一萬五千個日子呤呤。

--------------------------------------------------------------------------------------------------------

TOP