秋姑仔魚

欖仁樹

烏龜澶

玉蘭花

秋菊

無名火

芝山岩日記

狗物語

一萬五千...

茄苳

杜蘭山

去淡水

胭脂城

咱e話 台灣閣 茨藜頭

回頭頁


 

 

 

 

 

 

 

 

 

 

 

 

 

 

 

 

 

  

 

六月日頭真正炎,卜加赤崁樓个紅磚仔互臭焦去。椰子樹腳,黃狗仔澎澎喘,仆睏;安平彼旁蜉蝣熠熠爍,土地公煮中晝啊!

 

一排路漢雲県浮倁海頂,街迡行个人攏倁綢仔傘腳,或是笠仔;路迡叻走个車嘛卡少去啦,南都个暑天真正,卜暑互鳳凰開花。

  行過延平郡王祠,向西看,規遍紅記記,紅到高等法院个厝尾頂去,紅到市政府个旗竿尾頂去。孔子廟个柅錢嘛紅記記,府前路沉落去倁胭脂花坑。

  南都今仔是胭脂城。

 

  日若斜西,人翳漸漸長,對運河吹來微微仔海風。鳳凰花若火葩焱飛,飛入媽祖宮个大埕。黃狗仔睏醒啦,路迡行个人嘛加綢仔傘合起來啦。

  紅霞照倁鳳凰花,加紅色頂面圭染一重黃金色。而後,暗幻來啦,鳳凰花恬恬仔睏去。

 

  古都个夜色茫茫,月青青,夜市仔彼旁木屐聲矻硞叫,五妃廟前狗仔叻吠。

 

 

--------------------------------------------------------------------------------------------------------

 

------- 有•歡迎拷貝傳閱-------

 

 

                                                                                                                                      TOP