秋姑仔魚

欖仁樹

烏龜澶

玉蘭花

秋菊

無名火

芝山岩日記

狗物語

一萬五千...

茄苳

杜蘭山

去淡水

胭脂城

咱e話 台灣閣 茨藜頭

回頭頁


 

 

 

 

 

 

 

 

 

去 淡 水

 

 

 

 

 

 

 

 

 

 

 

 

 

 

 

 

講淡水鐵路卜拆掉啊,宏志招我去坐最後一擺。

彼日是暑俍个時,雙連車頭人山人海,攏參 仝款个心情,卜坐最後此幫車去

淡水。

車內人客烏黔黔,躋入去車內,踦向窗仔外,一聲水螺,火車着開行去。

石牌仔過了到關鍍,一條紅色个大橋長硠硠,橫倁淡水河頂,對八里坌仔去。仰頭看見觀音山,八里坌仔倁觀音山个手裡抱。

關渡過了到竹圍,竹圍過了着淡水,淡水車頭淡水河个水岸邊。

淡水離台北二、三十里路,古早个名叫做滬尾,是台北城个出入口,後旁一岦大屯山,青艿艿,互藍色个天咧。彼間紅毛城,紅磚仔紅瓦厝,本臹是英國人个領事館,今仔是台北人个觀光地。

紅毛城腳一遍紅樹林,紅樹林腳有毛蟹仔叻趖,有花鮡叻蹤,崎坎一欉曼陀羅,白花開 白麗雪,互南風吹叻硞硞搖。

 

街仔內一條大路向就北,直直迵 三芝、石門,佫去鼻頭角,一旁看海一旁看

山。海風吹我个胸前,山翠滴入我个心穎。

 

淡水是一個魚港,魚市仔內海鮮滿滿是,紅甘、土魠、秋姑仔魚由你揀。市仔

後是渡船頭,幾隻舢舨仔橫倁遐,一列樹影倁水底叻搖搖曳。日頭對樹腳過,淡

水街仔紅皅皅,幾隻白鴒鷥飛對觀音山卜返去。淡水个黃昏真正,媄 互我不甘看!

     

 

--------------------------------------------------------------------------------------------------------

 

------- 有•歡迎拷貝傳閱-------

 

 

 

                                                                                                                                    TOP