秋姑仔魚

欖仁樹

烏龜澶

玉蘭花

秋菊

無名火

芝山岩日記

狗物語

一萬五千...

茄苳

杜蘭山

去淡水

胭脂城

回頭頁

烏 龜 澶

倁西帽山腳卡落來，行義路尾彼搭有二間透天厝，原本是農家个厝，大概因為地價起啦，役是農業破產，搬入市內去生活，加厝賣互房地產公司。錫欽加房地產公司買其中个一間。

對山腳遠遠看去，隔壁厝互錫欽尹兜遮去一半，二間疊做一間，安呢看起來煞卡媄，佫卡大間。�N

可惜，有此仂景緻嘛只一年仔久呤呤，念彌店鋪啦、住宅啦，厝邊頭尾企一大堆販厝起來，錫欽尹兜煞沉入去樓仔厝个深井底，本來踦僀窗仔邊着有看見台北个夜景，今仔扒屹屴厝頂尾迡嘛看無一個尾梢。今仔錫欽干吶會倲俹頭看蚼蟻倁土尻叻趖呤呤。�稒G�N

隔壁厝離錫欽个厝只五六尺遠呤呤，埕迡栽一欉吊燈仔花叻做隔界，聽予講已經傳過三代人，旧漉束，有一口家人叻僀。錫欽此旁嘛是旧云旧，應該着佫重翻企个時啊，除了金錢有所不便以外，拍算嘛想講二間差不多仝時代个古厝，此旁若改企，放隔壁孤獨一間倁遐，安呢做佅落心。�N

隔壁兜个太太，面肉白白， 二個囝仔，頻吶出日花仔着倁埕迡叻曝東曝西。西帽山腳比較卡濕，叵定這是 个生活經驗，總是互人感覺怪怪。平時罕得看着尹頭家，若禮拜日才看着穿一袾白底藍色條仔个帕遮瑪，僀尹兜厝前厝後賴賴行，平時大概也是此仂身穿丩倁厝迡，下晡時仔二三點仔才出去，半暝仔才返來；曾看着天卜光仔才坐計程車返來。�N

錫欽自從搬來茲僀，立卜一年久啊，本來應該過家去加人招呼一下，卻因為安呢，拖佫再拖，二口家仔都攏役不曾仨拄嘴。

「咁是做過護士个……？」

錫欽當尹嫫安呢講：

「曷嘸，哪會赫尔清氣肖？」

「 有閒工，你也叻加人操煩…。」

講實在个，隔壁兜个太太生做倜儻美麗，干吶叻曝物件个時，倁埕迡一出一入，行路躡霎佫踇采，一雙淺拖仔聲「屣屣」叫，所擺錫欽尹嫫加 叫做「屣屣兮」，無啥乜好印像。�N

入正以來，澨澨仔雨一直落，落 厝內都卜生坲啦，落雨个時，隔壁埕仔着卡安靜，若好天着佫聽見「屣屣兮」个淺拖仔聲「屣屣」叫。

�N

吊燈仔花開透年，雨水沃倁紅色个花蕊，花穗津盪 ，卦倁二間古厝面頭前，古厝浮倁西帽山个雲煙中。錫欽最近攏向西帽山看，伊講：台北既然看佅着啦，欣賞西帽山个雨景嘛佅孬。�N

有一日，錫欽隨手拍開尹兜車庫个窗仔門，拄好沖着隔壁主人个房間，看着一領花仔色棉被漚倁床頂，「屣屣兮」尹尪拄倁遐，原在穿彼袾藍色條仔个帕遮瑪，越頭過來，面向着錫欽。錫欽煞歹勢，趕緊佫加窗仔門關叻。�N

春雨乍落乍續拍，落 錢口叨湫青菭，佫看西帽山个雲煙嘛臭蔟啊。

有一日，錫欽倁中山北路个一間咖啡廳 着阿源。二個查甫人做陣，若不是講政治，着是講花粉味，最後阿源提議逨去飲一杯。阿源本臹是廣告公司个外務員，對飲个此路有卡熟悉。�N

「逨去啊！」

「去佗？」

「逨飲一杯嘛！」

「今仔着卜去？」

「安怎？你有代志是呣？」

「無，無…」，

「無着行啊，落雨天嘛！」

「…………………」，

「一半擺仔，也煞會要緊？」

「卜自安呢去？」

「着啊，安怎是呣？」 

阿源穿一領遮吉杜皺皺，嘴鬚也無修，規嘴喙鬍鬍鬍，�N

「無要緊啦，飲一杯仔呤呤，也不是卜去 ………」，

阿源扒起身，去櫃台付錢，�N

「逨，逨去六條通，我有熟悉个店。」�N

六條通个路燈暗淡暗淡，雨又原澨澨仔落，晚來真泂。

錫欽隶阿源行入去三角窗个一間酒廊，酒廊外面掛一個霓虹燈看板，寫嗊店名「梓」。�N

店內才五六坪大呤呤，排七八組沙發 一個吧台，幾個仔人客窩倁遐，酒味參芬煙，參日本歌侅侅孱。錫欽和阿源坐僀吧台頭前个單人椅仔位。

忽然間，隔壁「屣屣兮」尹尪出現倁吧台內面，拄踦倁錫欽个面頭前，比彼日隔叻窗拄窗佫卡近。錫欽煞不知卜安怎才好；一來厝邊做即尔久，連名姓都役不知影，今仔是卜安怎來 伊相照問？頭殼內忽然浮出「屣屣兮」尹兜眠床頂彼領花仔棉被。想着安呢，錫欽險險仔笑出聲，嘛佫心肝內知影，若笑出來着愈無好意思囉！強強 咧，不敢笑出來。�N

「屣屣兮」尹尪拍算嘛是仝一款，互相心內有數，干吶參阿源招呼一下，着櫫二杯威士奇出來，加其中一杯囥僀錫欽个面頭前。 

酒飲了一半，錫欽講：�\

「阿源，逨走好呣？」

「是安怎？無合味是否？」

「無，無無，不是安呢！」

「無，哪叻無元氣？」

「不是安呢啦，出來才加你講。」

離開「梓」，錫欽一路二絭九，加阿源講清楚，�N

「哈哈哈，是安呢哦！我有聽予講老陳兮徙返去尹祖厝僀，哪會赫尔拄仟，參恁僀隔壁，世間嘛真正真阨ne！」

「真正有影，連開一下仔窗仔、飲一杯仔酒都會相硞頭…」，

「……………」

「伊是啥人欸？」

「伊哦，伊本臹和我仝公司，無、無，是我佮伊仝公司，伊是我个課長」，

「呃………！」

「伊比我卡代先退休，退休後，佮尹朋友開彼間酒廊。」

「安呢哦！我叫而是叻咿穌路个咧，小可仔怪怪……」，

「佅啦，親像我今仔叻開咖啡廳，你嘛不知」，

「你叻開咖啡廳？佗一間？」

「香苑啊！」

「拄才彼間？」

「着啊。」

「呃…，曷你家己个店，你哪會去付錢？」

「安呢賬卡清楚啊。」

「無講真正不知影。」

「…………………」

「是講…阿源，曷伊無張無弛出現倁面頭前，卜 伊相照問也不得，不 伊相照問也不得；卜問伊哪會倁茲嘛怪怪，卜加伊講真久無看見啊嘛怪怪，着呣？」

「有影，有影……。」

「我險險仔加伊謳咾尹兜彼領花仔棉被真媄……」，

「………………？」

「今仔想起來，佳哉無講出來，若夆誤會代志着大條。」

阿源侺一下仔久才聽知影錫欽叻講个意思，哈哈大笑。阿源講：�N

「是會哦！伊做此仂生理，你做彼款頭路，伊叻上班个時間，你拄攏倁叻厝迡，尹嫫佫媄佫倜儻，你若安呢講，是會互人誤會哦！」�N

「無彼仂代志，無彼仂代志！我叨干吶知影尹兜有一領花仔棉被媄媄呤呤，我是無張弛看着个，其他我啥乜都攏不知」，�N

錫欽講：�\

「後擺若卜翻新厝，參隔壁隔界个所在，決定無卜做窗仔門。」     

--------------------------------------------------------------------------------------------------------

-------版 權 所 有•歡迎拷貝傳閱-------