台語文學評論-鄉土是用感覺 e

。

鄉土是感覺 êh…

頂 23 日台灣母語聯盟為 dirh 慶祝教師節，beh 向母語老師致敬，借台北市議會 êh 會議廳舉辦一場「本土語言藝文表演」，其中有一齣陳明仁編導 êh 舞台劇『看紅霞 êh 日子』，描寫 228 事件當日天頂出現真 súi êh 紅霞，劇中主角阿文離開厝裡，去外口看紅霞 êh 時，hōh人掠去鎗殺死去。

這 hōh 我想 dirh 施並錫 êh 一幅油畫『 1947 年 3 月 8 日基隆港大屠殺』，畫內底除了「中國兵仔」以外，所有 êh 台灣人 kānnā 上頭前 êh 二個人穿 zénbah，偆 e 若不是穿短手袂 êh 白sedzuh ia 是 langlínguh，dirh 是 tńghvakteh 穿短褲-zang’nga，宛然是六月天 êh 光景。

台語有一葩關係 nkûa luaf êh 唸歌：

正月 nkûah 死猪

二月 nkûah 死牛

三月 nkûah 死播田夫

四月 nkûah 死 kiâmhkūeku (鹹瓜龜--不信邪的)

228 事件發生 dīh 1947 年 êh 新曆 2 月尾 3 月初，換算舊曆，大約是 dīh 正月尾 2 月初，是 dīh 一個雨仔濛濛 êh 時節。這 60 年來地球氣候 êh 變化真大，當年比 zim’ma kē 真 nkûah，台北地區一年無三個月好天，特別基隆市攏是「雨微微」，nkûah 佫濕 êh 天氣，聽 dirh 楊三郎 êh『港都夜雨』dirh 感覺 ēh 出來。

紅霞通常出 dīh luafh-天 ia 秋天 êh 黃昏時仔，舊曆 êh 正月尾 2 月初、又佫是雨霑水滴 êh 台北街頭，beh「看紅霞」ia dirh 佫等三、四個月後風颱 libbeh cudsì êh 時節。

(聲樂合唱港都夜雨)�f

「Gun beh 出頭天」是本土運動 êh 一句口號，真正出頭天 êh kānnā vuad’la (柭仔) kah 菅芒花 niahnyā。對 1997 年民視製播 êh 連續劇《菅芒花的春天》起，有：林建隆 êh 詩「菅芒花的春天」、白冰冰著作 (1996/7/1) êh 「菅芒花的春天」、曹銘宗 êh 詩「菅芒花的春天」、林央敏 êh 詩『菅芒花的春天』、陳寧貴 êh 詩『菅芒花』，；南部有一個「菅芒花台語文學會」kah 一個《菅芒花詩刊》、陳明仁 êh 詩『田園記事』嘛有「一坵菅芒花」、ia 有鍾理和 êh『薄芒」是對日語「すすき」翻譯過來 êh，嘛是「菅芒花」…。

Vuad’la (柭仔) 對 “muah vuad’la” (討厭的水果) 出頭天到「真珠 vuad’la」是因為有人發現 vuad’la 含有極豐富 êh 維他命C；啥乜理由 hōh 鄉土藝文 ziahnii 愛菅芒花？實在想 būeh 出來。

有人講：菅芒花是一種台灣土生土長 êh 花，耐 nkwâ、耐 luaf、耐潮濕、耐苦旱，根粗佫壯，莖細長 mahkurh hōh 風吹 būeh 斷；種子隨風飄散，花開滿山野，台灣秋天時仔上最 súi êh 景色 dirh 是滿山 êh 菅芒花，burhndyāh 無 hiahni’ya 美麗，mhkurh「介高尚」！

「土生土長」可能是無 mh-dirf，地球頂 kûan 除開寸草不留 êh 所在，一四過攏嘛有「菅芒花」zid 款植物存在，屬於「ôhvûcaucì (胡匏草茨)」之類，一枝篙長長，無枝無椏，一生人 kānnā 開一擺 kahna 掃帚尾 êh 花，dirh 等 beh dālen 死去。

踦 le 秋風蕭颯 êh 荒埔，面對菅芒花，不是感想 dirh liāmmii libbeh dālen 死去 êh 悲愴 kah 哀傷， kek 連想到春天得意 êh 光景，莫非 kā kahkī 看做是「ôhvûcaucì (胡匏草茨)」，看做是一枝菅芒花，謳咾菅芒花，hōh 菅芒花一個無影跡 ēh「春天」來 le kā kahkī 稍安慰一下，自卑佫自戀，佫可憐！所反射出來的是林央敏 ēh 詩「Mh-tāng 嫌台灣」，「Mh-tāng 嫌」ēh 邏輯建立 dīh-i 「有-tāng 嫌」，所以請你「Mh-tāng 嫌」，哀哉，哀哉！

菅芒 dīh 日本 ia ēh-用得用來 dîngh SIRAGAWA êh 合掌屋 êh 厝頂，台灣 êh 菅芒 cūnh 死路一條，fuad dīh 山坪 būeh 擋土石流，fuad dīh 溪埔擋 dirh 溪流水，準 dīh 秋天會開一葩仔 kahna 掃帚尾 êh 菅芒花，終歸尾仔 hōh 人放火燒做火灰，無 dirh 爛做泥土，啥乜路用都攏無！。